د هند په سویل کې د کیمیاويي موادو له یوې فابریکې د ګازو وتلو یا لیک کېدو له کبله ۱۳ کسان وژل شوي دي او ۸۰۰ نور روغتونونو ته لېږدول شوي دي.
د اندرا پردېش ایالت په وشاکاپټنم ښار کې له ایل جي پولیمرز نومې کارځایه ګاز داسې مهال وتلی چې ځايي اوسېدونکي په خوب ویده وو.
دخپریدو نیټه :جمعه ۱۹ ثور ۱۳۹۹ ساعت ۰۹:۳۵
د مطلب کود : 209510
دغه شرکت په یوه اعلامیه کې ویلي، د پېښې په تړاو معلومات راټولوي او په وینا یې د اغېزمنو کسانو چټکې درملنې لپاره اقدامات کوي.
ځايي ډاکټران وايي، اغېزمن کسان په ساه اخیستو کې د تکلیف خبره کوي او سترګې یې سوځي.
رپوټونو کې ویل شوي، د ګازو وتلو د مخنیوي لومړنی هڅې بریالۍ نه وې، خو ایالتي حکومت او ایل جي پولیمرز شرکت وايي، وضعیت اوس کنټرول شوی دی.
په اندرا پردېش ایالت کې د هوا ککړتیا مخنیوي ادارې یوه لوړ پوړي چارواکي راجندر ریډي بي بي سي ته وویل، له کارځایه وتلی ګاز سټیرین نومېږي، چې کنګل ساتل کېږي.
بل لور ته د هند لومړي وزیر نریندرا مودي د پېښې په تړاو بېړنۍ غونډه رابللې ده.
avapress.com/vdccsoqix2bqxp8.5ja2.html
ډیری لیدل شوي
