په ننګرهار ولایت کې د کرونا د مخنیوي کمېټې له هوټلونو او رسټورانټونو پرته په اصنافو باندې لګېدلي یو شمېر بندیزونه پورته کړل او د فعالیت اجازه یې ورکړه.
د ننګرهار ولایت مقام له لوري په همدې تړاو خپره شوې خبرپاڼه کې راغلي، چې د مخنيوي کميټې د خلکو د بیا بیا غوښتنو پر اساس او د ټولنې د غربت کچې ته په کتو په جلال اباد ښار کې ټولو صنفونو ته وقايې ته په پاملرنې د فعالیت اجازه ورکړه .
خبرپاڼه کې وړاندې د والي شاه محمود میاخېل له قوله ویل شوي، چې د اصنافو کمېټه به د ګڼې ګوڼې د مخنیوي لپاره میکانیزم ترتیب او په دوو ورځو کې به یې عملي کوي او ددې تر څنګ به هټيوال مکلف وي، وقایوي تدابیر مراعات کړي، او مشتریانو ته په وړیا ډول ماسکونه وویشي.
دخپریدو نیټه :يکشنبه ۲۱ ثور ۱۳۹۹ ساعت ۱۱:۳۴
د مطلب کود : 209659
د خبرپاڼې په بنسټ، په هوټلونو او رسټورانټونو او د ښار په مرکزي ساحو کې به د وسایطو په ګرځېدو لګېدلي بندیزونه د تېر په څېر په خپل ځای پاتې وي.
ننګرهار کې د قرنطین له امله لګېدلي بندیزونه داسې مهال پورته کېږي، چې په دې ولایت د کرونا ویروس مثبتې پېښې ورځ تر بلې زیاتېږي او یوازې نن ورځ د ۳۹ پېښو مثبتو په ثبت سره د ننګرهار ټولې پېښې ۱۵۰ ته ورسېدې.
avapress.com/vdcgny9xyak9z34.1gra.html
ډیری لیدل شوي
