کد QR مطلبدریافت صفحه با کد QR

دفاع وزارت: د هوا له لارې مو طالبانو ته درنه مرګ ژوبله واړوله

د صدای افغان خبری آژانس , 23 ثور 1399 ساعت 10:43

ملي دفاع وزارت وايي، بلخ ولایت کې یې د هوا له لارې ۱۰ طالبان وژلي دي.




د هېواد ملي دفاع وزارت نن ( سه شنبه غويي ۲۳ ) د یوې خبرپاڼې په خپرولو سره ویلي، چې تېره شپه د هېواد هوايي ځواک په فعال دفاعي حالت کې د بلخ ولایت بلخ ولسوالۍ په پلاس پوش سیمه کې پر طالبانو د هوا له لارې برید کړی چې ۱۰ طالبان پکې وژل شوي او ۱۰ نور ټپیان شوي دي.

خبرپاڼه کې ویل شوي چې د طالبانو یو ډلې چې غوښتل یې د بلخ ولایت په بلخ ولسوالۍ کې د سړک پرغاړې ماینونه خښ کړي، تر پېژندل کېدو وروسته د هوا له لارې پرې برید شوی او درنه مرګ ژوبله ور اوښتې ده.

بلخ کې پر طالبانو دا برید په داسې حال کې ترسره کېږي، چې تېره ورځ طالبانو د لغمان ولایت په علیشنک ولسوالۍ کې د افغان امنیتي او دفاعي ځواکونو پر پوستې برید کړی و.

دې برید کې افغان امنیتي ځواکونو ته د اوښتې مرګ ژوبله په اړه دقیق معلومات نشته، خو طالبان وايي چې علیشنګ ولسوالۍ کې یې ۲۴ افغان امنیتي سرتیري وژل او ۳ نور یې ټپیان کړي هغه څه چې افغان حکومت بیا یوازې د شپږ افغان امنیتي سرتېرو وژل کېدل تاييدوي.
 


د مطلب کود: 209812

دمطلب پته :
https://www.avapress.com/ps/news/209812/دفاع-وزارت-د-هوا-له-لارې-مو-طالبانو-ته-درنه-مرګ-ژوبله-واړوله

آوا
  https://www.avapress.com