د ننګرهار د والي ویاند عطا الله خوږیاڼي امریکا غږ ته وویل، دغه ځانمرګی برید نن سې شنبه له غرمې مخکې څه باندې یوولس بجې شوی دی.
ښاغلي خوږیاني امریکا غږ ته وویل، د لومړنیو معلوماتو په اساس په دغه برید کې څه باندې ۴۰ تنو ته مرګ ژوبله اوښتې ده چې په وینا یې یاد ارقام شاید تغیر شي.
شیخ اکرم تېره شپه د زړه له ناروغۍ مړ شوی او نن څه باندې یولس بجې یې جنازه وه.
تر اوسه د دغه برید مسؤلیت کومې وسله والې ډلې په غاړه نه دی اخیستی.