خوښ ديک ۰
سهیل شاهین:

د «کابل ادارې» امنیتي چارواکو د تاوتریخوالي په زیاتولو اعتراف کړی

د طالبانو د سیاسي دفتر ویاند سهیل شاهین یوځل بیا افغان دولت د جګړې او تاوتریخوالي زیاتولو تورن کړی دی.
شاهین په دې اړه په خپله ټویټر پاڼه لیکلي، چې درې ورځې مخکې دده په خبره د «کابل ادارې» د امنیت رئیس، داخله وزیر او دفاع وزارت مرستیال ولسي جرګې ته په خپلو وضاحتي بیانونو کې اعتراف کړی وو، چې تیره یوه نیمه میاشت یې د طالبانو پرضد د هغوی په پرتله څو چنده زیات بریدونه او عملیات ترسره کړي دي.
د روانې مئ میاشتې په لسمه نیټه ولسي جرګه کې د ملي امنیت، کورنیو او دفاع وزارتونو چارواکو د خپلو ویناوو په ترڅ کې ادعا کړې وه، چې طالبانو سږکال د حمل میاشتې له لومړۍ نیټې څخه تر د ثور میاشتې ۱۵ نیټې پورې ۲۲۰ بریدونه ترسره کړي او په مقابل کې یې دوی هم د طالبانو پرضد ۱۲۰۰ مشترک بریدونه کړي دي.
چهارشنبه ۲۴ ثور ۱۳۹۹ ساعت ۰۹:۱۴
د مطلب کود: 209882 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *