کد QR مطلبدریافت صفحه با کد QR

روغتیا نړیوال سازمان:

کورونا وېروس ښایي د تل لپاره پاتې شي

25 ثور 1399 ساعت 10:34



د روغتیا نړیوال سازمان خبرداری ورکړی دی چې کورونا وېروس ښایي د تل لپاره پاتې شي. د دې ادارې د بېړنیو حالاتو د څانګې مشر مایکل راین وایي، کورونا وېروس هم ښایي د نورو وېروسونو په څېر د انساني ټولنې برخه وګرځي او هېڅکله هم په بشپړه توګه ورک نشي.
نوموړي په جنیوا کې د ویډیو کنفرانس له لارې خبریالانو ته د اېچ ای وي وېروس مثال ورکړ چې ورک شوی نه دی، خو ټولنه ورسره عادي شوې ده او لا هم ګڼ شمېر کسان پرې اخته کېږي.
مایکل راین وایي، له واکسین پرته ښایي کلونه وخت ولګي چې د انسانانو د بدن دفاعي نظام کورونا وېروس سره د مبارزې توان پیدا کړي.
دا مهال د نړۍ په ګڼو هېوادونو کې د واکسین جوړولو هڅې روانې دي، خو کارپوهان خبرداری ورکوي چې ښایي هېڅکله هم د کورونا وېروس ضد واکسین جوړ نشي.
بل لور ته د روغتیا نړیوال سازمان مشر ټېډروس اډانوم خبرداری ورکړی چې د نړۍ بېلابېلو هېوادونو کې د کورونا وېروس له کبله لګېدليو محدودیتونو کې نرمښت، د دې وېروس نوې څپه رامنځته کولی شي.
نوموړي دا خبرداری په داسې حال کې ورکړی چې په نړۍ کۍ د کوویډ - ۱۹ ناروغانو تایید شوی شمېر ۴۲ لکه کسانو ته رسېدلی او د دغې ناروغۍ له کبله د ۲۹۲ زره کسان مړه شوي.
 


د مطلب کود: 209977

دمطلب پته :
https://www.avapress.com/ps/news/209977/کورونا-وېروس-ښایي-د-تل-لپاره-پاتې-شي

آوا
  https://www.avapress.com