خوښ ديک ۰

ټرامپ له چین سره د اړیکو ختمولو ګواښ وکړ

د امریکا ولسمشر ډونلډ ټرامپ یو ځل بیا چین له کورونا وېروس سره د چلن له امله وغانده او ګواښ یې وکړ چې له دغه هېوادسره اړیکي ختموي. ښاغلي ټرمپ یوه مرکه کې وویل: "ډېر کارونه کولی شم، ټول اړیکي ور سره پرې کولی شم". خو چې ټرامپ وپوښتل شو که دا کار وکړي، نو څه به وشي، ځواب یې و: "پنځه سوه میلیارد ډالر به بچت کړو". ښکاري چې له چین سره په دوه اړخیز تجارت کې د امریکا ډېر کسر ته یې اشاره وه. امریکا له دې مخکې هم چین د کورونا وېروس د خپرېدو عامل بللی او غوښتنه یې کړې وه چې له دغه هېواد د کورونا وېروس له امله د شوي تاوان غوښتل په پام کې ونیول شي. چین بیا بیا دا تورونه ردوي.
ټرامپ له چین سره د اړیکو ختمولو ګواښ وکړ

کورونا وېروس د تېر کال وروستیو کې اول ځل د چین ووهان ښار کې پیدا او وروسته له دې ښار چین او بیا نړۍ ته خپور شو.
امریکا کې کورونا وېروس تر ۱۴ لکو ډېر کسان نیولي چې تر بل هر هېواد ډېر دي.
امریکا کې له دې وېروس تر نږدې ۸۶ زره کسان مړه شوي او ډېره مړینه نیویارک کې ده چې ۲۷ زره ۶۰۷ کسانو ته رسېږي.
امریکا کې د دې وېروس له امله تر ۳۶ میلیونو کسان بې کاره شوي دي.
د جانز هاپکنز پوهنتون تازه شمېرې ښيي چې تر اوسه په نړۍ کې د کورونا وېروس ټولټال تایید شویو ناروغانو شمېر ۸۸۶,۴۰۵,۴ کسانو ته رسېدلی دی.
د دغې ناروغۍ له کبله تر اوسه د مړو شویو کسانو شمېر تر ۳۰۰ زره تنو اوښتی او د دغې ادارې په وینا تر اوسه ۳۱۸,۵۷۶,۱ کسان له دې ناروغۍ رغېدلي دي.
 
جمعه ۲۶ ثور ۱۳۹۹ ساعت ۰۹:۳۵
د مطلب کود: 210040 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *