غزني کې د ملي امنیت پر قطعې موټر بم برید شوی

د غزني د پولیسو ویاند احمد خان سیرت امریکا غږ ته وویل چې دغه پېښه نن دوشنبه سهار د مې ۱۸(غويي۲۹) رامنځته شوې ده.
سیرت زیاته کړه چې ځانمرګي خپل له چاوېدونکو موادو ډک موټر ته په غزني ښار کې د «ثقافت اسلامي» په نوم ودانۍ سره د ملي امنیت۷۰۳ قطعې سره چاودنه ورکړې ده.
نوموړي زیاته کړه چې د یادې پېښې بشپړه جزئیات ټاکل شوې وروسته د ملي امنیت لخوا خپاره شي.
بلخوا د غزني د ولایتي روغتون سر طبیب ډاکټر بصیر رامکي امریکا غږ ته وویل چې د پېښې له ځایه ۳۶ ټپيان او ۷ مړي دغه روغتون ته انتقال شوي دي.
د ډاکټر رامکي په خبره چې د پېښې ټول قربانیان ملکي وګړي دي، روغتیايي چارواکي وايي، کېدایشي د قربیانیانو اراقام تغیر شي.
له سیمې عیني شاهدانو ویلي چې د دغه موټر بم برید له ملکي وګړو ته ګڼ مالي زیانونه هم اوښتي دي.
د دغه برید مسؤلیت وسله والو طالبانو په غاړه اخیستی دی