د امریکا د بهرنیو چارو وزارت له پاکستان مننه کړې چې د کورونا وېروس سره د مبارزې لپاره یې طبي مرستې ور لېږلې دي.
دې وزارت یوه ټوېټ کې ویلي، د دواړو هېوادونو روغتیايي همکاري او همغږی ځواب به د وېروس ماتولو کې ګټور وي.
دې طبي مرستو کې مخ ماسکونه او د خوندیتوب جامې یا پي پي اي شامل دي.
د امریکا د بهرنیو چارو وزیر مایک پمپیو هم د پاکستان د دې مرستو هرکلی کړی او دا یې د کورونا ضد مبارزه کې د واشنګټن او اسلام اباد د یووالي نښه بللې ده.
امریکا ته د مرستو رسېدو پر مهال هلته د پاکستان سفیر مجید خان کرونا د دواړو هېوادونو لپاره خطر بللی دی.
