کد QR مطلبدریافت صفحه با کد QR

فاریاب کې د ترافیکي پېښې له امله ۱۰ تنه مړه شوي

8 جوزا 1399 ساعت 18:53



امنیتي چارواکي د فاریاب ولایت قرمقول ولسوالۍ آق مزار سیمه کې د ترافیکي پېښې له امله د ۱۰ تنو د مړینې خبر ورکوي.
د فاریاب د امنیه قومندانۍ ویاند عبدالکریم یورش رسنیو ته ویلي، دا پېښه نن د پنجشنبې په سهار اته نیمې بجې د لومړي نمبر لویې لارې په اوږدو کې د «ځنګل» په سیمه کې د دوو سراچه ډوله موټرونو د ټکر له امله رامنځ ته شوې ده.
نوموړی زیاتوي، د لومړنیو معلوماتو ترمخه په دغه پېښه کې د ماشومانو او سپین ږیرو به ګډون۱۰ تنه مړه شوي او ۵ نور ټپیان دي، چې ټپیان د اندخوی ولسوالۍ روغتونونو ته لیږدول شوي دي.
د یورش په خبره د پېښې علت د موټر چلوونکو بې احتیاطي او د سرعت ډیروالی دی، چې وخت ناوخته د مسافرو ژوند له ګواښ سره مخ کوي.
 


د مطلب کود: 210932

دمطلب پته :
https://www.avapress.com/ps/news/210932/فاریاب-کې-د-ترافیکي-پېښې-له-امله-۱۰-تنه-مړه-شوي

آوا
  https://www.avapress.com