د بدخشان ولایت امنیتي مسؤلین وايي، چې د یاد ولایت په کوهستان ولسوالۍ کې د سړک غاړې ماین چاودنه کې دوه شپانه وژل شوي دي.

د بدخشان ولایت د پولیسو ویاند ثناالله روحاني خامه پرس خبري آژانس سره خبرو کې د پېښې په تایید سره وویل، چې پېښه تېره ورځ ( شنبه غبرګولي ۱۰ ) کوهستان ولسوالۍ کې رامنځته  شوې ده.
نوموړي وویل چې چادنه کې دوه ځوان شپانه وژل شوي دي.
د بدخشان د پولیسو ویاند د پېښې پړه پر طالبانو واچوله او وې ویل چې ماین د طالبانو لخوا خښ شوی و، خو طالبانو په دې اړه څه نه دي ويلي.
افغانستان کې د ماین چاودنې د روانې جګړې بل اړخ دی چې د خلکو ژوند یې له جدي ګواښ سره مخ کړی دی، داسې چې پر عمومي لارو او سړکونو هم د خلکو ژوند خوندي نه وي.