د افغانستان مالیې وزارت: ملي شورا دې د کرونا بودجه ژر تصیب کړي

د صدای افغان خبری آژانس(آوا) , 11 جوزا 1399 ساعت 15:08

د افغانستان مالیې وزارت له ملي شورا نه غواړي چې په افغانستان کې له کرونا ویروس سره د مبارزې لپاره بودجه ژر تر ژره تصیب کړي.



د دغه وزارت ویاند شمروز مسجدي نن ازادي راډیو ته وویل چې مالیې وزارت د ثور په ١٥مه نېټه د بودجې سند ولسي جرګې ته سپارلی، خو د نږدې یوې میاشتې په تېرېدو سره لاهم دغه سند نه‌دی تصویب او بې‌پرخلیکه پاتې دی.
دی وایي چې په عادي بودجه کې د کرونا ویروس سره د مبارزې لپاره نږدې ۱۰ میلیارده او ۱۶۹ میلیونه افغانۍ تعدیلات راغلي چې باید ملي شورا یې له ارزونو وروسته تصویب کړي.
دا په داسې حال کې ده چې د ١٣٩٩ مالي کال بودجه ۴۲۸ میلیارده افغانۍ ده چې له دې ۲۸۹ میلیارده عادي او ۱۳۹ میلیارده‌یې پراختیایي بودجه ده، خو ولسي جرګه وایي دغه بودجه متوازنه نه‌ده.
 


د مطلب کود: 211092

دمطلب پته: https://www.avapress.com/ps/news/211092/د-افغانستان-مالیې-وزارت-ملي-شورا-دې-کرونا-بودجه-ژر-تصیب-کړي

آوا
  https://www.avapress.com