دخپریدو نیټه :دوشنبه ۱۲ جوزا ۱۳۹۹ ساعت ۱۱:۳۳
د مطلب کود : 211161
د طالبانو د رژیم له ړنکېدو وروسته په ۲۰۰۲ کال کې د انتقالي دورې مشر حامد کرزی د ۱۹۶۸ کال را وروسته لومړی افغان ولسمشر ؤ چې چین ته يې سفر وکړ. د انتقالي دورې د مشر په حیث د ښاغلي کرزي دغه لومړنی بهرنی سفر هم ؤ.


د کرزي د سفر په دوران کې چین له افغانستان سره د ۳۰ میلیونه چینايي یو آن بېړنۍ او یو میلیون نغدي مرسته وکړه. همدارنګه د راتلونکو پنځو کلونو لپاره د بیا رغونې په برخه کې چین د ۱۵۰میلیونه امریکايي ډالرو مرسته هم اعلان کړه. له دې را وروسته د دواړو هېوادونو مشرانو په وار وار سره لیدنې کتنې کړې دي او ترمنځ یې دوه اړخیزه اړیکې پراخې شوې دي.
چین د افغانستان مسلې ته تل زیاته توجه کړې ده او یو مهم لامل يې هم د چین د لویدیځو ایغور توکمو سیمو د امنیت موضوع ده.
همدا راز په دې وروستېو کې په منځنۍ او سویلي اسیا کې د چین د یو کمربند یوې لارې د سترې پروژې برخه کې په لویه کچه د پانګونې او د امنیت مسله هم بیجېنګ ته مهمه ده.
له امریکايي یرغل وروسته چین په افغانستان کې د نړېوالې ټولنې د بیارغاونې په برخه کې فعاله ونډه واخیسته، خو په دې هېواد کې یې له هر ډول مستقیمې پوځي مداخلې ځان لرې وساتلو.
په تېرو شلو کالو کې امریکا او ناټو د افغانستان په امنیتي، نظامي او اقتصادي برخو کې مخکښ رول لوبولی، او چین نه دي غوښتي چې افغانستان کې د لویدیځو هېوادونو سره په ګډه یا د شریک په توګه ډېر ښکېل شي.
 
https://avapress.com/vdch-zniz23nzzd.yjt2.html
تبصره پوسټ کړئ
ستاسو نوم
ستاسو دبرېښنا ليک پته