هندوستان پر پاکستان پوځي حمله وکړه

13 جوزا 1399 ساعت 10:15

د هندوستان د پوځ سرحدي ځواکونو پرون د پاکستان ترکنټرول لاندې کشمیر باندې حمله کړې ده.
د ایرنا د خبر له مخې د پاکستان ترکنټرول لاندې کشمیر باندې د هندوستان د سرحدي ځواکونو په برید کښې لس تنه کشمیریان ووژل شول.
خبر زیاتوي چې د هند او پاکستان سرحدي ځواکونه د کشمیر په کنټرول لاین کښې له یو بل سره ښکیل شول خو د دغې نښتې په هکله تراوسه کوم کره معلومات نه دي ترلاسه شوې.



یاده دې وي چې د پاکستان او هندوستان ترمینځ شخړه په دې وروستیو کښې بیا زیاته شوې ده. هندوستان تیره یکشنبه په پلازمینه نوې ډیلي کښې درې تنه پاکستاني سفارتکاران د جاسوسۍ په تور ونیول او خارجه وزارت یې پرون وویل چې له هغو څخه دوه تنه له هیواده وباسي.
د پاکستان د بهرنیو چارو وزارت هم په نوې ډیلي کښې د خپلو ډیپلماټانو په نیولو باندې په اعتراض سره ویلي چې هنندي ځواکونو دغه سفارتکاران شکنجه کړې دي.


د مطلب کود: 211228

دمطلب پته: https://www.avapress.com/ps/news/211228/هندوستان-پر-پاکستان-پوځي-حمله-وکړه

آوا
  https://www.avapress.com