خوښ ديک ۰

په جاسوسۍ تورن ایرانی ساینس پوه له امریکا وشړل شو

د ایران بهرنیو چارو وزیر محمد جواد ظریف وايي، هغه ایرانی ساینس پوه چې د امریکا په توقیف کې و، له هغه هېواده وتلی او ایران ته پر لاره دی. د تهران یوه پوهنتون ساینس پوه سایرس اصغري په ۲۰۱۶ کال کې د یوه امریکايي پوهنتون د څېړنیزو موادو سودا کولو پر هڅه تورن شوی و، خو په تېر نومبر کې نوموړي ته یوې فدرالي محکمې برائت ورکړ.
په جاسوسۍ تورن ایرانی ساینس پوه له امریکا وشړل شو

تېره میاشت ویل شوي و، چې له کورونا وېروسه له رغېدن وروسته به ښاغلی اصغري خپل هېواد ته وشړل شي.
امریکا او ایران دواړو رد کړې چې ګواکې نوموړی د بندیانو تبادلې په توګه لېږل کېږي.
د سې شنبې پر ورځ په یوه انسټاګرام پیغام کې ښاغلي ظریف خوښي څرګنده کړه او هېواد ته د هغه ستنېدل یې یو ښه زیری وباله، خو پر امریکا یې نیوکه کړې چې د ده په وینا یو شمېر نور ایراني ساینسپوهان یې 'یرغمل ' کړي دي.
د شریف پوهنتون پر دغه ۵۹ کلن پروفیسر امریکايي څارنوالانو تور پورې کړی و، چې د امریکايي سمندري پوځ لپاره یې د امریکا هوايي ایالت کاس ویسټرن ریزرو پوهنتون له یوې څېړنې د غلا هڅه کړې.
 
چهارشنبه ۱۴ جوزا ۱۳۹۹ ساعت ۰۸:۱۵
د مطلب کود: 211313 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *