کورنیو چارو وزارت وايي، هغه دوولس کلنه انجلۍ یې د انسان تښتوونکو له ولکې ژغورلې، چې یوه نیمه اونۍ مخکې یې تښتولې وه.

یاد وزارت نن ( شنبې غبرګولي ۲۵ ) په یوې خبرپاڼه کې ویلي، چې د کابل پولیسو د ۱۷ مې ناحیې اړوند سیمو کې د یو لړ موخه ییز عملیاتو په ترڅ کې له انسان تښتوونکو یوه دوولس کلنه انجلۍ ژغورلې ده.
خبرپاڼه کې ویل شوي، چې یوه نیمه اونۍ مخکې ناپېژنده وسلوالو د کابل ښار د څلورمې حوزې اړوند سیمو څخه یو انجلۍ تښتولې وه، چې د پولیسو لخوا ژغورل شوې ده. پولیسو له دوی سره د انسان تښتوونکو له نښتې وروسته دوه تورن کسان هم نیولي دي