د امریکا د بهرنیو چارو وزیر مایک پمپیو د چین پر ضد تازه څرګندونې کړي دي.
هغه ویلي چې د امریکا متحده ایالات او اروپايي هیوادونه باید په ګډه د چین پر ضد سره ودریږي او مبارزه وکړي.
چین او امریکا په وروستیو کې د کرونا ویروس خپریدو پر سر هم له یو بل سره په ناندرو بوخت دي.
امریکا له لورې چین تورنیږي چې په لوی یې لاس یې کرونا ویروس جوړ کړی او کنټرول یې پرې نه دی لرلی.
ذ امریکا د بهرنیو چارو وزیر له اروپا او امریکا یاده تازه غوښتنه په بروکسل کې د ناستې پرمهال کړې ده.
چین تر اوسه د ښاغلي پمپیو ددې څرګندونو په غبرګون کې څه نه دي ویلي، خو له دې وړاندې یې د امریکايي چارواکو خبرې ردکړي دي.