د سولې په چارو کې د دولت وزارت وايي، ټاکل شوې ده چې طالبانو سره د افغان حکومت خبرې راتلونکي جولای مياشت کې پيل شي. د ياد وزارت سلاکار عزيزالله فضلي ويلي دي، په دې اړه افغان حکومت خپل پوره چمتووالی نيولی دی.
نوموړي ويلي دي، راتلونکو دوو اوونيو کې به د سولې شورا د غړو شمېر هم بشپړ او نهايي شي. ښاغلي فضلي همداراز وویل چې ژر به د بندیانو درېدلی بهیر پیل او نهايي شي. د سولې لپاره چې تر بل هر وخت لار ليکه برابر شوې ده، خلک ورته ډېر هيله من دي، خو د تاوتريخوالي ډېرېدو د خلکو هيلې ټکنۍ کړي دي.