د هلمند ولايت د مطبوعاتو يو غړی زاهد اتل وايي، نن سهار د ناوې ولسوالۍ منګلزو سيمه کي د ملکي وګړو پر يوه موټر د دښمن لخوا ځای پر ځای شوی ماين چاودلی دی.
هغه وايي چي په ترڅ کې يې په موټر کي سپاره دوه تنه په شهادت رسيدلي دي.
د اتل په خبره،  يادو ملکي وګړو په موټر کې ام بار کړي وه او لښکرګاه ته يې انتقالول چي د وسله والو طالبانو ښخ شوی ماين ورباندې چاودنه کړې ده.
طالبانو په دې اړه څه نه دي ويلي.
د يادونې ده چې دوې ورځې وړاندې د هلمند په سنګين کې د ماين چاودنه کې شپږ ملکيان ووژل شول.