کد QR مطلبدریافت صفحه با کد QR

خلیلزاد او د پاکستان د بهرنیو چارو وزیر پر افغان سولې غږیدلي

د صدای افغان خبری آژانس(آوا) , 12 سرطان 1399 ساعت 10:40

افغان سولې لپاره د امریکا ځانګړي استازي زلمي خلیلزاد په پاکستان کې د دغه هیواد د بهرنیو چارو له وزیر، شاه محمود قریشي سره د افغانستان پر سولې خبرې کړي دي.


شاه محمود قریشي خلیلزاد سره خبرو کې په افغانستان کې د سولې مرکچي پلاوي او مصالحې شورا د جوړیدلو هرکلی کړی او له افغان مشرانو یې غوښتي چې سولې لپاره له رامنځته شوي فرصت نه ښه ګټه واخلي.
هغه همداشان هیله ښودلې چې د طالب زندانیانو د خلاصون بهیر ژر بشپړ شي او د افغان حکومت او طالبانو ترمنځ مخامخ خبرې پیل شي.
ده زیاته کړې چې افغانستان کې پایداره سوله د ارامې سیمې لپاره یوه اړتیا ده.
د بهرنیو چارو وزیر همداشان ویلي چې پاکستان د افغانستان سولې بهیر کې رغنده ونډه لرلې او په دې برخه کې خپلو هڅو ته دوام ورکوي.
دا په داسې حال کې دي چې د ننه افغانستان کې عام خلک او حکومتي چارواکو تل د پاکستان نیت ته د شک په سترګه کتلی دی.
تجربو ثابته کړې چې پاکستان هیڅ کله د خپلې خولې پر خبرو عمل نه دی کړی او تل یې افغانستان سره دوه مخی سیاست لوبولی دی


د مطلب کود: 213525

دمطلب پته :
https://www.avapress.com/ps/news/213525/خلیلزاد-او-د-پاکستان-بهرنیو-چارو-وزیر-پر-افغان-سولې-غږیدلي

آوا
  https://www.avapress.com