هند افغانستان کې ۴۰۰ پراختیايي پروژې بشپړه کړي

د افغانستان د اقتصاد وزیر مصطفی مستور په وینا په یادو مرستو به په بدخشان او نورستان کې درې ښوونځي، د فراه ولایت د البیروني پوهنتون داخلي لار او په کاپیسا ولایت کې یو تدریسي ودانۍ جوړیږي.
هغه وویل:"هغه دوې پروژې چې په پوهنې وزارت پورې اړه لري د بدخشان په ما می ولسوالۍ کې دوه ښوونځي او یو ښوونځی د نورستان په مرکز کې جوړیږي."
ښاغلي مستور زیاته کړه چې هند په تیرو ۱۹ کلونو کې له افغانستان سره په بېلابېلو پراختیايي او اقتصادي برخو کې د څه باندې دوه میلیارډ ډالرو مرسته کړې ده.
د هند حکومت په تیرو درې میاشتو کې له افغانستان سره د ۳۱زره ټنو غنمو مرسته هم کړې ده.
د افغانستان د ملي شورا ودانۍ، سلما بند او د ځینو لویو لارو جوړول په افغانستان کې د هند د لویو رغنیزو پروژو څخه بلل کیږي.