خوښ ديک ۰

ګابلوف: د امریکا استخباراتي غړي د افغانستان نشه یي توکي قاچاقوي

د افغانستان لپاره د روسیې ځانګړي استازي ضمیر ګابلوف ټاس خبري اژانس ته داخبره کړې ده. هغه ویلي، دوی هغه کسان دي چې روسیه په افغانستان کې د امریکايي سرتیرو د وژلو لپاره د طالبانو په مالي ملاتړ تورنوي. دا په داسې حال کې ده چې تر دې څو ورځې وړاندې نیویارک ټایمز پخپل راپور کې ویلي و، روسیې په افغانستان کې د وسله والو طالبانو اړوند یوه حساب ته پیسې لېږدولې، څو دغه وسله وال امریکايي سرتېري پرې ووژني.

د دې امريکايي ورځپاڼې په راپور کې راغلي و، امریکايي چارواکو الکترونیکي مالومات ترلاسه کړي چې طالبانو ډېری پیسې له یوه حسابه ترلاسه کړې دي. په ورته وخت کې طالبانو له دوی سره د روسیې د هر ډول استخباراتي مرستې راپورونه رد کړي دي. د یادولو وړ ده چې په تېر میلادي کال کې په افغانستان کې ۲۰ امریکایي ځواکونه وژل شوي، خو دا نه ده په ډاګه شوې چې د څو سرتیرو په وژلو کې روسیه ښکېله ده.
یکشنبه ۱۵ سرطان ۱۳۹۹ ساعت ۱۷:۰۱
د مطلب کود: 213799 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *