خوښ ديک ۰

د نړۍ له ۲۰۰ زیاتو ساینس‌پوهانو موندنه: کرونا د هوا له لارې هم انتقالېدای شي

د نړۍ څه باندې ۲۰۰ ساینس‌پوهانو په یوه تازه څېړنه کې موندلې چې کرونا ویروس د هوا له لارې هم له یوه انسانه بل ته انتقالېدای شي.
د نړۍ له ۲۰۰ زیاتو ساینس‌پوهانو موندنه: کرونا د هوا له لارې هم انتقالېدای شي


دغو ساینس‌پوهانو د روغتیا له نړیوال سازمان څخه غوښتي د کرونا ویروس د خورېدو د مخنیوي په برخه کې خپلې سپارښتنې بدلې کړي.
په یوه سر خلاصي لیک کې چې روانه اوونۍ د ساري ناروغیو په ژورنال کې خپور شو، ساینس‌پوهانو ویلي چې د دوی څېړنو ښودلې چې کرونا ویروس په هوا کې د ډېرو کوچنیو معلقو ذراتو په وسیله هم خپرېږي.
په دې لیک کې راغلي، له شک پرته چې کرونا ویروس له ناروغ کس څخه د خبرو او یا ټوخي پر مهال د ذراتو په وسیله بل کس ته انتقالېږي، خو وایي ځیني کوچني ذرات په هوا کې په معلق ډول پاتېږي. دا په دې معنی چې د څېړونکو په خبره په سر پټو ځایونو کې په دې ناروغۍ د اخته کېدو خطر تر هغه ډېر دی چې مخکې یې فکر کېده.
د روغتیا نړیوال سازمان تر ډېره پر دې خبره ټینګار کړی چې دا ویروس د ناروغو خلکو د ټوخي یا نوږلو پر مهال د نسبتاً لویو تنفسي ذراتو په مرسته خپرېږي او بېرته پر ځمکه لوېږي.
 
سی شنبه ۱۷ سرطان ۱۳۹۹ ساعت ۱۰:۲۶
د مطلب کود: 213936 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *