خوښ ديک ۰

جرمني د اروپایي ټولنې لپاره د اقتصاد رغونې په خاطر پر وجهي صندوق ټینګار کوي

جرمني د اروپایي ټولنې لپاره د اقتصاد رغونې په خاطر پر وجهي صندوق ټینګار کوي
جرمني د اروپایي ټولنې لپاره، د کرونا ویروس له امله د ځپل شوي اقتصاد د رغونې په خاطر، پر وجهي صندوق ټینګار کوي.
د جرمني صدراعظمې انګلا مېرکل پرون د بلجیم په پلازمېنه بروکسل کې د اروپایي ټولنې پارلمان ته د وینا پر مهال وویل، څومره چې ژر کېدای شي په دې برخه کې باید یوې هوکړې ته ورسېږو.
د جرمني صدراعظمې انګلا مېرکل د اروپایي ټولنې د اقتصادي ستونزو د مخنیوي لپاره د غړو هېوادونو ترمنځ د یوه بېړني تړون غوښتنه وکړه. انګلا مېرکل وایي چې څرنګه د کرونا ویروس مخه ونیول شوه غړي هېوادونه دې د دې تړون له مخې د اروپایي ټولنې د اقتصادي پياوړتیا لپاره لاس په کار شي.
انګلا مېرکل د چهارشنبې په ورځ د اروپایي ټولنې د پارلمان غړو ته په بروکسل کې وویل: "زموږ اقتصاد ته سخت زیان اوښتی او لا هم په ټوله اروپا کې سخت زیان وراوړي. په میلیونونو کسانو خپل کارونه له لاسه ورکړي دي. د دې ترڅنګ دوی خپلې روغتیا ته او د خپلو کورنیو روغتیا ته اندېښمن دی. ډېر کسان یو مخ اقتصاد ته وېره لري، دوی ټول اوس زموږ ګډ ملاتړ ته اړتیا لري."
پرون جرمني ته د اروپایي ټولنې مهالنۍ مشري د دې کال تر اخره پورې وسپارل شوه. مېرکل وویل چې کرونا ویروس د اروپایي ټولنې لپاره ډېر ستر ګواښ دی چې اټکل کېږي د اروپایي ټولنې اقتصادي رکود سږ کال ۸،۷ فیصدو ته ورسېږي.
مېرکل زیاته کړه، که چېرته د غړو هېوادونو ترمنځ همغږي پياوړې کړو تر بل هر وخت به اروپایي ټولنه له دې اقتصادي کړکېچه په قوت بهر شي.
پنجشنبه ۱۹ سرطان ۱۳۹۹ ساعت ۱۰:۳۴
د مطلب کود: 214115 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *