خوښ ديک ۰

بلخ کې له کوویډ۱۹ د ډېرو ناروغانو رغېدل

د بلخ د عامې روغتیا مسوولین وايي چې دغه ولایت کې د کوویډ ۱۹ ناروغانو ډېر شمېر روغ شوي او ۱۷۲۶ کسانو له ډلې ۷۱۶ یې روغ شوي او ۱۶ نور یې مړه شوي دي. دغه مسوولین زیاتوي، له تېرې یوې اوونۍ را په دیخوا د کرونا مثبتو پیښو شمېر مخ په کمېدو دی، خو روغتونونو ته هم د خلکو راتګ شل سلنه کم دی. د عامې روغتیا سرپرست، نظام الدین جلیل زیاتوي:«زموږ څارونکې ډلې ټولې پېښې په منظم ډول څاري او هیله لرو چې
راتلونکو ورځو کې د روغو شویو کسانو شمېر لا هم زیات شي.»
له کوویډ۱۹ ناروغۍ روغ شوی، یعقوب ازرده د خپلې تجربې په تړاو وايي:«زه کور کې تر درملنې لاندې وم او د روغتیا ریاست لخوا موږ ته هېڅ د درملو سپارښتنه ونشوه.»
د مدني ټولنې فعال، ذبیح‌الله احساس هم چې له یادې ناروغۍ روغ شوی وايي:«ټولنیز واټن مې په پام کې نیولو او د خوړو له تړاو مې د ډاکټرانو خبرې په پام کې نیولې، ښه شوم.»
همداراز د بلخ ولایت اوسېدونکي نورو ته هم د کرونا ویروس نه د خلاصون په تړاو د روغتیايي لارښوونو د په پام کې نیولو وايي.
د بلخ مزارشریف ښار اوسېدونکی، محمد زیاتوي:«هغه سیمه کې چې موږ یوو(د مزار لسمه ناحیه) د یوې نیمې میاشتې په موده کې موږ له پنځو جنازو د ډېرو شاهدان یوو چې هم ماشومان، هم ځوان او هم زاړه دي له درې کلنو نیولې تر شپېتو کالو پورې.»
د مزار اوسېدونکې، فرزانه زیاتوي:«له ماسک او دستکش نه استفاده ښه ده څو له کرونا نه لیرې ووسو.»
سره له دې د بلخ ولایت د عامې روغتیا مسوولین څرګندوي چې دوې اوونۍ مخکې د کرونا ویروس تست مرکز ته له منځني توګه له اتیا تر یوسلو پنځوسو کسانو مراجعه کوله او دا شمېر یوه وروستۍ اوونۍ کې ۵۸ تنو ته راښکته شوی دی.
 
پنجشنبه ۱۹ سرطان ۱۳۹۹ ساعت ۱۵:۳۱
د مطلب کود: 214179 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *