کد QR مطلبدریافت صفحه با کد QR

سمنګان کې تر موټربم بريد وروسته بريدګر د ملي امنيت ودانۍ ته ننوتي

23 سرطان 1399 ساعت 12:16

د سمنګان ولايت سيمه‌ييزې دولتي سرچينې وايي، د دغه ولایت په مرکز ایبک ښار کې تر موټربم چاودنې وروسته بريدګر د ملي امنیت رياست او تر څنګ يې د ښاروالۍ ودانۍ ته دننه شوي دي.



له بل لوري د دغه ولايت روغتيايي چارواکي وايي، تر دې مهاله له دې پېښې ۴۳ ټپيان روغتونونو ته لېږدول شوي دي.
د سمنګان د عامې روغتيا ریس ګل احمد قریشي ويلي، له دې پېښې ۴۳ ټپيان روغتون ته لېږدول شوي.
له بل لوري وسله‌والو طالبانو د دغه بريد مسووليت پر غاړه اخيستی. د دې ډلې وياند ذبيح الله مجاهد پر خپل ټوېټر ليکلي چې د دغه بريد هدف د ملي امنيت رياست دی.
دغه بريد داسې مهال ترسره کېږي چې پرون د ولسمشر غني وياند صديق صديقي پر خپل ټوېټر وليکل، د وسله‌والو طالبانو له لوري د تاوتريخوالي زياتوالی د سولې روانه پروسه زيانمنوي، خو طالبانو بيا ويلي، له سولې پرته د جګړې درول غيرمنطقي دي.
 


د مطلب کود: 214432

دمطلب پته :
https://www.avapress.com/ps/news/214432/سمنګان-کې-تر-موټربم-بريد-وروسته-بريدګر-د-ملي-امنيت-ودانۍ-ته-ننوتي

آوا
  https://www.avapress.com