نامعلومو وسلوالو په غزني ولایت کې د یو پخواني جهادي قومندان په ګډون دوه قومي مشران وژلی.

د غزني د والي ویاند واحدالله جمعه زاده له رسنیو سره په خبرو کې ویلي، یاده پېښه نن دوشنبه ۱۰ بجې غزني ښار ته څېرمه د «ده خداداد» په سیمه کې را منځته شوې ده.
د نوموړي په خبره، نامعلومو وسله‌والو پخوانی جهادي قومندان ایوب خان نیازی او یو قومي مشر وژلی او له سيمې په تېښته بریالي شوي دي.
نوموړی زیاتوي، پولیس د پېښې د عاملینو په لټه کې دي چې تر نیولو وروسته به یې د قانون منګولو ته وسپاري.
غزني ولایت د هیواد یو له نا امنه ولایتونو شمېرل کېږي.