کد QR مطلبدریافت صفحه با کد QR

محمد طاهر زهير: د مينياتورى او خطاطۍ د هنرونو د پيداېښت ځاى افغانستان دى

د صدای افغان خبری آژانس , 25 سرطان 1399 ساعت 15:20

د اطلاعاتواوفرهنګ وزارت سرپرست محمد طاهر زهير نن په يوه خبري غونډه کې څرګنده کړه، چې د مينیاتورى او د خطاطۍ د هنرونو د پيداېښت ځاى د افغانستان هرات دى .


په دې خبري غونډه کې چې د افغانستان لپاره د يونسکو استازى  او د بهرنيو چارو وزارت د فرهنګي برخې مسوول  هم حاضرو،  د اطلاعاتو او فرهنګ وزارت سرپرست وويل: چې په دې وروستيو وختو کې  ترکيې او ايران  اقدام کړى دى چې د مينیاتورۍ  اوخطاطۍ  هنرونه  د خپلو هېوادونو په نامه ثبت کړي. چې دغه موضوع  د افغانستان د اندېښنې سبب شوې ده.

 د اطلاعاتو او فرهنګ وزارت سرپرست له دغو دوو هېوادونو څخه غوښتنه وکړه چې په دې برخه کې زيات دقت وکړي او د دغو دوو هنرونو  د پيدايښت ځاى  او اسالت ته چې افغانستان دى ، درناوى وکړي.

 هغه څرګنده کړه :  چې کمال الدين بهزاد د تيموريانو په دوره ، سلطان حسين بايقرا او د امير علي شيرنوايي په دورو کې د مينیاتورى  او نقاشي بنسټ اېښودونکى و.

د اطلاعاتو او فرهنګ وزارت سرپرست وويل: که چېرې په دغو دوو هنرونو د مالکيت ادعا وشي، د هغه اصلي خاوند افغانستان دى.او په ټولو تاريخي متونو او منابعو کې ليکل شوي دي چې کمال الدين بهزاد د اسلامي مينیاتورى ، انځورګرى او د رنګ اميزى  بنسټ اېښودونکى دى .

 محمد طاهر زهير زياته کړه: ترکيه او ايران کولاى شي  د دغې خبرې په منلو سره  چې افغانستان د دغو دوو هنرونو مالکيت اواصالت لري، له موږ سره شريک ووسي . او له يونسکو څخه هم وغوښتل چې په دې برخه کې جدي پاملرنه او لازم اقدام وکړي. او دغه دوه هنرونه  د افغانستان په نامه اود ايران اوترکيې په شراکت ثبت کړي.

  د اطلاعاتو اوفرهنګ وزارت سرپرست  د هېواد د فرهنګي ميراثونو او ابدوپه برخه کې  د دغه وزارت  د  کارونو په باب هم  معلومات ورکړل او ويې ويل:  چې دوه ملموس فرهنګي ميراثونه  په يونسکو کې ثبت شوي دي. چې يو د غور د جام څلى اوبله يې  د باميانو درې د فرهنګي منظره ، دى .  

 هغه زياته کړه :  چې دغه راز   د هېواد دوه  ملموس فرهنګي ميراثونه د بابر بڼ او د هرات د جامع جومات هم د نړيوالو ميراثونو د ثبت په بهير کې دى . او رباب  جوړول، دلرګيو پرمخ نورستاني کندنکارى، د لرګيو پرمخ  کلاسيک کندنکارى او د نستليق خط هم مستند شوى دى.


د مطلب کود: 214624

دمطلب پته :
https://www.avapress.com/ps/news/214624/محمد-طاهر-زهير-د-مينياتورى-او-خطاطۍ-هنرونو-پيداېښت-ځاى-افغانستان-دى

آوا
  https://www.avapress.com