ملګرو ملتونو د پاکستاني طالبانو رهبر د بندیزونو لېست کې شامل کړ

ور ولي محسود د هغو اشخاصو او کمپنیو په لېست کې شاملېږي چې شتمني یې کنګل کېږي، پر سفر او د وسلو پر لرلو یې بندیز دی.
د پاکستان د بهرنیو چارو وزارت پرون جمعه په یوه اعلامیه کې وویل: "د تحریک طالبان پاکستان پر مشر نور ولي محسود بندیزونه به د ملګرو ملتونو د امنیت شورا له پرېکړه‌لیکونو سره سم د پاکستان له‌خوا عملي کېږي."
د امنیت شورا د بندیزونو یوې کمېټې پرون جمعه محسود د یو لړ اعمالو او فعالیتونو د تمویل، پلانولو، اسانتیا برابرولو او ترسره کولو په تور، د بندیزونو په لېست کې شامل کړ.
ویل شوي ده دغه اعمال او فعالیتونه د هغو اشخاصو په نوم، استازیتوب او ملاتړ کړي چې له القاعده ترورېستي شبکې سره ارتباط لري.
وروسته له هغې چې د تحریک طالبان پاکستان پخوانی مشر مولانا فضل‌الله د ۲۰۱۸م کال په جون میاشت په افغانستان کې د امریکا د یوې هوايي حملې له کبله ووژل شو، نور ولي محسود د دې ډلې د مشر په توګه ونومول شو.