د ملګرو ملتونو امنیت شورا د پاکستاني طالبانو مشر نورولي مسید د بندیزونو په لېست کې شامل کړ.
ملګري ملتونه وایي، نورولي مسید به د هغو اشخاصو او کمپنیو په لېست کې شاملېږي چې شتمني به یې کنګل کېږي او پر سفر او د وسلو پر لرلو به یې بندیزونه لګېږي. په دغه لېست کې اوس مهال ۲۶۱ کسان او ۸۹ تنظیمونه یا ډلې شاملې دي.
دخپریدو نیټه :شنبه ۲۸ سرطان ۱۳۹۹ ساعت ۱۶:۵۱
د مطلب کود : 214840
نوموړی تېر کال امریکا د نړیوالو ترهګرو په لېست کې هم شامل کړی و.
دغه راز د پاکستان د بهرنیو چارو وزارت تېره ورځ په یو خبرپاڼه کې ویلي، د تحریک طالبان پاکستان پر مشر بندیزونه به د ملګرو ملتونو د امنیت شورا له پرېکړې سره سم د پاکستان له خوا عملي کېږي.
وروسته تر هغه چې د پاکستاني طالبانو پخوانی مشر مولوي فضل الله په ۲۰۱۸ کال کې د امریکایي ډرون په یو برید کې ووژل شو، د پاکستاني طالبانو شورا نورولي مسید د تحریک طالبان پاکستان ډلې مشر وټاکه.
avapress.com/vdceee8w7jh8zvi.r6bj.html
ډیری لیدل شوي
۴
