د کابل ولایت د امنیه قومندانۍ منسوبینو په کابل ښار کې څو ګوښي اوپراتیفي عملیات ترسره کړي، چې په ترڅ کې يې ۱۶ تنه د جنايي جرمونو په تړاو نیولي دي.
کابل کې ۱۶ تنه د جنايي جرمونو په تړاو ونیول شول
د صدای افغان خبری آژانس , 29 سرطان 1399 ساعت 10:30
د کابل ولایت د امنیه قومندانۍ منسوبینو په کابل ښار کې څو ګوښي اوپراتیفي عملیات ترسره کړي، چې په ترڅ کې يې ۱۶ تنه د جنايي جرمونو په تړاو نیولي دي.
یاد کسان د کابل ښار په پینځمې، لسمې، پینځلسمې، شپاړلسمې، اولسمې او نولسمې ناحیو کې د وسله والو غلاو، ژوبلې، د موبایل غلا، باج اخیستنې، د غیرقانوني وسلو لېږدونې، د وسایطو غلا او د نشه يي توکو د پلور په تړاو تر پېژندنې وروسته نیولي دي.
له دې کسانو څخه یو عراده کرولا ډوله موټر، درې میله وسلې او یوه قبضه برچه هم د پولیسو لاسته ورغلي دي.
همداراز یو عراده ټانکر ډوله موټر چې تر دې مخکې په پروان کې غلا شوی و، د کابل ښار د نولسمې امنیتي حوزې په اړوند سیمو کې ترلاسه او څښتن ته یې سپارل شوی دی.
د مطلب کود: 214886