کد QR مطلبدریافت صفحه با کد QR

افغان حکومت: بین‌الافغاني خبرو ته چمتو یو

د صدای افغان خبری آژانس(آوا) , 4 اسد 1399 ساعت 13:44

افغان حکومت وایي، له طالبانو سره د بین الاافغاني خبرو لپاره بشپړ چمتوالی لري.


د سولې وزارت ویانده ناجیه انوري رسنیو ته ویلي، افغان حکومت تل د سولې لپاره ښه نیت ښودلی او اوس هم د بین الاافغاني خبرو لپاره په بشپړ ډول چمتو دي.
نوموړې زیاته کړه:
موږ او د افغانستان د خلکو هیله دا ده چې طالبان ژر تر ژره د خبرو لپاره چمتوالی وښیي، د باور فضا را منځته کړي، تاوتریخوالی کم کړي او د دولت هغه بندیان چې د دوی سره دي ژر خوشي کړي تر څو خپلمنځی خبرې پیل شي.
نوموړې وایي، د بین الاافغاني مذاکراتو د پیل لپاره بشپړ تدارکاتي، محتوایي، او تخنیکي چمتو والی لري.
هغې دغه راز د بندیانو د خلاصون په تړاو هم وویل، افغان حکومت د باور فضا جوړولو لپاره بندیان خوشي کړي او طالبان هم باید په دې برخه کې نرمښت وښیي.
نوموړې دغه څرګندونې وروسته تر هغه کوي چې تېره ورځ په قطر کې د طالبانو د سیاسي دفتر ویاند سهیل شاهین ویلي و، افغان حکومت دي له لېست سره سم د دوی بندیان خوشي کړي تر څو له لوی اختر وروسته بین الافغاني خبرې پیل شي او زیاته یې کړه چې دوی ورته په بشپړه توګه تیار دي.


د مطلب کود: 215429

دمطلب پته :
https://www.avapress.com/ps/news/215429/افغان-حکومت-بین-الافغاني-خبرو-ته-چمتو-یو

آوا
  https://www.avapress.com