خوښ ديک ۰

نبيل: افغان حکومت د ملي اجماع جوړولو کې پاتې راغلی

نوموړي تیره ورځ په کابل کې يوې خبري غونډې ته وویل، د حکومت او خلکو ترمنځ د باور فضا نشته او پراخه بې باوري رامنځته شوې ده.
نبيل: افغان حکومت د ملي اجماع جوړولو کې پاتې راغلی



نوموړي دغه راز د افغانستان د سولې په تړاو د افغان حکومت پر دريځ هم نيوکه وکړه او د ملي مصالحې شورا پر مشر عبدالله عبدالله يې غږ وکړ چې د ولسي جرګې له يو شمېر غړو سره مستقيم دوحې ته لاړ شي او له ملا برادر سره مخامخ خبرې وکړي.
نوموړي له حکومت وغوښتل چې د پاکستان له لوري د ډيورنډ پر کرښه د اغزن تار تېرولو په تړاو ملت ته معلومات ورکړي او څرګنده کړي چې څه ډول معامله شوې او په هغه کې د افغانستان ګټه څه ده؟
نبيل دغه راز پر طالبانو هم غږ وکړ چې افغان وژنه د افغانانو په ګټه نه ده او ګټه يې يوازې نورو ته رسېږي نو له دې کار دې لاس واخلي.
نبيل زياته کړه، پاکستان افغان ځواکونه کونړ ته د توغنديو په راتوغولو بوخت ساتلي دي، خو اصل کې دغه ولايت ته ترهګرې ډلې رالېږي او هلته يې ځای پر ځای کوي.
افغان حکومت تر دې مهاله د رحمت الله نبيل دې څرګندونو ته غبرګون نه دی څرګند کړی.
 
سرچينه : د صدای افغان خبری آژانس(آوا)
یکشنبه ۵ اسد ۱۳۹۹ ساعت ۰۸:۲۵
د مطلب کود: 215472 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *