دخپریدو نیټه :چهارشنبه ۸ اسد ۱۳۹۹ ساعت ۱۰:۱۱
د مطلب کود : 215747
افغان ولسمشر: طالبان بايد پردیو د لاس اله نه‌شي‌
د افغانستان جمهور رئیس محمد اشرف غني طالبانو ته په خطاب کې ویلي چې د پردیو د لاس اله نه‌شي.
ښاغلي‌ غني دا خبره پرون مازیګر په کابل کې د بیرغ د ملي ورځې په مناسبت په یو لړ مراسمو کې د وینا پر مهال وکړه.
هغه وويل: "تاسو د پردیو اله مه‌شئ چې افغانان ووژنئ. د افغانانو په وژنه کې څه وياړ دی؟ هر ځل چې زه او صالح صاحب ولايتونو ته تللي يو، تاسو پر موږ توغندي اورولي."
ولسمشر غني‌ دا خبرې د طالبانو د مشر تر پرونۍ اعلامیې څو ساعته وروسته وکړې.
د طالبانو د مشر ملا هبت‌الله اخندزاده له قوله په اعلامیه کې راغلي و چې له امريکا متحده ايالاتو سره موافقه او د بین‌الافغاني مذاکراتو لپاره هڅې ‌هغه موارد دي چې طالبانو په‌کې خپل مسؤليت ترسره کړی دی.
د غني او تر هغه مخکې د هبت‌الله تر خبرو څو ساعته وروسته لومړی طالبانو او بیا افغان حکومت د اختر په مناسبت د اوربند اعلان وکړ.
سرچينه : د صدای افغان خبری آژانس(آوا)
https://avapress.com/vdcbasb5zrhb8zp.q3ur.html
تبصره پوسټ کړئ
ستاسو نوم
ستاسو دبرېښنا ليک پته