خوښ ديک ۰

امریکا کې 'کووېډ-۱۹' په یوه ورځ ۱،۲۶۷ کسان ووژل

په متحده ایالاتو کې د 'کووېډ-۱۹' له کبله پرون د جولای په ۲۹مه په یوه ورځ د ۱،۲۶۷ کسانو د مړینې خبر ورکړل شو.
امریکا کې
له دې ارقامو سره په امریکا کې په کرونا ویروس د اخته کېدو له کبله د مړینو ټول شمېر له ۱۵۰ زرو واوښت.
په دې هېواد کې د 'کووېډ-۱۹' ناروغۍ د مړینو په شمېر کې له مې میاشتې راهیسې د پام وړ زیاتوالی راغلی.
دا تلفات په وروستیو درېیو اوونیو کې تر ډېره په اریزونا، کلیفورنیا، فلوریډا او ټکزاس ایالتونو کې زیات شوي دي او د دې باعث شوي چې نور ایالتونه د محدودیتونو د بیا پیل په اړه غور وکړي.
متحده ایالات په نړۍ کې په 'کوویډ-۱۹' ناروغۍ د اخته کسانو او له دې کبله د مړینو تر ټولو لوړې شمېرې لري.
د امریکا د جانز هاپکنز پوهنتون د شمېرو له مخې په نړۍ کې په 'کووېډ-۱۹' ناروغۍ د اخته کسانو ټول شمېر ۱۷ میلیونو ته نږدې شوی او تر اوسه د دې ناروغۍ له کبله له ۶۶۲ زرو زیات کسان مړه شوي دي.
سرچينه : د صدای افغان خبری آژانس
پنجشنبه ۹ اسد ۱۳۹۹ ساعت ۱۴:۵۲
د مطلب کود: 215854 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *