برښنا شرکت وایي، له ایران څخه هرات ولایت ته د وارداتي برښنا مزی په کهسان ولسوالۍ کې د برښنا پر یو پایې د مرمۍ لګېدو له کبله پرې شوی.

د افغانستان برښنا شرکت څخه په خپره شوې خبرپاڼه کې راغلي، د ایران څخه هرات ولایت د راتلونکې ۱۳۲ کیلو ولټه برېښنا مزی نن سهار د دغه ولایت په کهسان ولسوالۍ کې پرې شوی.
په خبرپاڼه کې راغلي، د برښنا شرکت تخنیکي ټیم سیمې ته رسېدلی او د ستونزې پر حل یې کار پیل کړی.
دا په داسې حال کې ده چې څو ورځې وړاندې تاجکستان هم په دغه هیواد کې د اوبو د کمښت له کبله پر افغانستان ۳۱۰ مېګاواټه برېښنا قطع کړه.