خوښ ديک ۰

د کابینې پرېکړه؛ سبا پوهنتونونه بېرته پیلېږي

د ولسمشرۍ ماڼۍ ویاند صدیق صدیقي نن په کابل کې یوې خبري غونډې ته وویل چې د کابینې د پرېکړې پر اساس په پام کې ده سر له سبا په هېواد کې د ټولو دولتي او خصوصي پوهنتونونو درسونه پیل شي. د نوموړي په وینا، د ښوونځیو د پرانېستل کېدو په تړاو د پوهنې وزارت نوې طرحه د کابینې په بله غونډه کې وړاندې کېږي او تر بلې پرېکړې به ښوونځي لا هم رخصت وي. صدیقي زیاتوي، د پوهنې وزارت له‌خوا د ښوونځيو د بیا پرانېستو طرحه وړاندې شوې وه، خو د ځینو ستونزو له امله رد شوه.
د کابینې پرېکړه؛ سبا پوهنتونونه بېرته پیلېږي

وموغوښتل چې په دې اړه د پوهنې وزارت نظر هم ولرو، خو له پرله‌پسې هڅو سره سره بریالي نه شوو.
بله‌خوا د عامې روغتیا وزارت غوښتنه کړې چې ښوونځي او پوهنتونونه دې په تدریجي توګه بیا پرانېستل شي.
د ښوونیزو او پوهنیزو مرکزونو فعالیتونه په هېواد کې د کورونا ویروس له خپرېدو راهیسې بند وو.
د عامې روغتیا وزارت وايي، دغه کار د کورونا ویروس د خپرېدو مخنیوي په موخه شوی  دی.
چهارشنبه ۱۵ اسد ۱۳۹۹ ساعت ۱۵:۲۴
د مطلب کود: 216171 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *