وسله والو طالبان تيره شپه د کاپيسا ولايت تګاب ولسوالۍ کې د ولسي پاڅون کوونکو د يوه قومندان پر کور بريد کړى دى.

د کاپيسا د پوليسو وياند، شايق شورش ويلي ددې يرغل په پايله کې قومندان سيف الدين او د هغه درې ساتونکي وژل شوي او د هغه د کورنۍ درې غړي چې ميرمنې هم پکې دي، ټپيان شوي دي. دا په داسې حال کې دي چې ټاکل شوې ده سبا په کابل کې د طالبانو د پاتې ۴۰۰ بنديانو خلاصون په موخه مشورتي لويه جرګه جوړه شي.