خوښ ديک ۰

پمپيو او قريشي د افغانستان د سولې پر پروسې خبرې کړې

د امريکې د متحدو ايالتونو او پاکستان د بهرنيو چارو وزيرانو په خپله ليدنه کې د افغانستان د سولې پر پروسې او له دې پروسې سره د پاکستان پر همکارۍ خبرې کړې دي. د امريکا د بهرنيو چارو وزارت له مطبوعاتي دفتره په خپره شوې خبرپاڼه کې راغلي چې دواړو لورو د افغانستان د سولې په پروسه کې د دواړو هېوادونو امريکا او پاکستان پر همکارۍ بحث کړی دی. دواړو خواوو ټينګار کړی چې افغانستان کې ثبات د سيمې له ثبات سره مرسته کوي. دا په داسې حال کې ده چې اوس مهال افغانستان د سولې بهير په يوه حساس پړاو کې موقعیت لري او ټاکل شوې ډېر ژر د افغان حکومت او طالبانو تر منځ مخامخ بين‌الافغاني خبرې پيل شي. د همدې خبرو پر وړاندې د يوازيني خنډ؛ ۴۰۰ طالب بنديانو د خوشي کېدو يا نه خوشي کېدو په تړاو د مشورې لپاره همدا اوس کابل کې مشورتي لويه جرګه روانه ده.
پمپيو او قريشي د افغانستان د سولې پر پروسې خبرې کړې
شنبی ۱۸ اسد ۱۳۹۹ ساعت ۱۰:۴۸
د مطلب کود: 216308 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *