د هرات ولايتي چارواکي وايي، دې ولايت کې يوه وسله‌وال بريد کې دوه ښځې وژل شوې دي.

د هرات د والي وياند غلام جيلاني فرهاد خامه‌پرس ته وويل، تېره ورځ مازديګر هرات ښار کې دوې ښځې په زرنج کې سپرې وې چې د نامعلومو وسله‌والو له لوري پرې ډزې شوې او دواړه وژل شوې دي.
نوموړي زياته کړه، په دې پېښه کې د زرنج چلوونکی ټپي شوی دی.
فرهاد زياته کړه، د دې پېښې په تړاو د پوليسو پلټنې پیل شوې دي او لومړنۍ موندنې ښيي چې پېښه ترهګريز اړخ نه لري.
نوموړي په دې تړاو نور جزيات ور نه کړل.