د خوست امنيتي چارواکي وايي، د دغه ولايت په موسی خېلو ولسوالۍ کې د سړک غاړې ماين چاودنې دوه ماشومان وژلي او يو يې ټپي کړی دی.

د خوست د پوليسو وياند عادل حيدر وايي، دغه پېښه پرون د موسی‌خېلو ولسوالۍ په ملنګي سيمه کې رامنځته شوې ده.
نوموړي د ماين ځای پر ځای کول د حکومت د وسله‌والو مخالفينو کار وباله خو تر دې مهاله کومې وسله‌والې ډلې په دې تړاو څه نه ويلي.
افغانستان کې ډېری وخت ملکي وګړي د ماين چاودنو، مخامخ نښتو او هوايي بريدونو قرباني کېږي.