کد QR مطلبدریافت صفحه با کد QR

پکتیا کې د شیدو ټولولو او پروسس مرکز جوړېږي

د صدای افغان خبری آژانس(آوا) , 22 اسد 1399 ساعت 11:15

د پکتیا د کرنې ریاست وايي، چې ددې ولایت په مرکز ګردیز کې د شېدو ټولولو او پروسس د یو ستر مرکز د بنسټ ډبره کېښودل شوه.


د پکتیا د کرنې رییس انجنیر محمدالدین مومند وویل، د شېدې ټولولو دغه مرکز چې د کرنې وزارت له پراختیایي بودجې څخه جوړیږي، د جوړولو لګښت یې ۳.۲ میلیونه افغانۍ ده.
دغه مرکز چې په ۲۴ ساعتونو کې له درې تر پنځه زره لېټره شېدې د ټولولو او پروسس په وړتیا سره جوړیږي عصري خونې، د زېرمې خونه او ګدام لري.
د یادو مرکزونو د جوړولو موخه د مالدارۍ د تولیداتو له لارې د خوړو خوندیتوب دی.
ښاغلی مومند وایي، چې د شېدې ټولولو یاد مرکز په مستقیمه توګه له کلیوالو مالدارانو شیدې راټولوي او په دې مرکز کې یې پروسسوي، چې هم د کلیوالو مالدارانو د اقتصادي ودې لامل کیږي او هم په هېواد کې د لبنیاتو د پروسس د پراختیا په برخه کې د پام وړ مرسته کوي.
د چارواکو په خبره د دغو مرکزونو جوړېدل د لبنیاتو د پراختیا او کاروبار په برخه کې یو مثبت ګام دی. دوی زیاتوي، چې د شېدو ټولول او شېدو ته بازارموندنه کولای شي د مالدارانو اقتصاد ته وده ورکړي.


د مطلب کود: 216591

دمطلب پته :
https://www.avapress.com/ps/news/216591/پکتیا-کې-د-شیدو-ټولولو-او-پروسس-مرکز-جوړېږي

آوا
  https://www.avapress.com