د تخار ولايتي چارواکي وايي، د دغه ولايت په مرکزي ښار تالقان کې نن سهار وختي ۳نيمې بجې نامعلومو وسلهوالو يو ښوونځي ته اور ورته کړی او د اسنادو په ګډون يې د دې ښوونځي ډېره برخه سوځېدلې ده.
تخار کې نن سهار نامعلومو وسلهوالو يو ښوونځی وسوځاوه
د صدای افغان خبری آژانس(آوا) , 23 اسد 1399 ساعت 10:42
د تخار ولايتي چارواکي وايي، د دغه ولايت په مرکزي ښار تالقان کې نن سهار وختي ۳نيمې بجې نامعلومو وسلهوالو يو ښوونځي ته اور ورته کړی او د اسنادو په ګډون يې د دې ښوونځي ډېره برخه سوځېدلې ده.
د تخار د والي وياند جواد هجري خامه پرس ته وويل، دغه ښوونځی چې د ابو عثمان تالقاني په نوم دی، د تخار له مهمو ښوونځيو دی او شاوخوا ۳ زره نارينه زدهکوونکي لري.
هجري زياته کړه، د تخار ولايت د اطفايې ډله سهار ښوونځي ته رسېدلې خو د ودانۍ ډېره برخه سوځېدلې ده.
نوموړي وويل، د دې پېښې په تړاو پلټنې پيل شوې دي.
تر دې مهاله د دې پېښې مسووليت هم کومې وسلهوالې ډلې پر غاړه نه دی اخيستی او تر دې وړاندې هم د افغانستان په ګڼو ولايتونو کې دا ډول پېښې رامنځته شوې دي.
د مطلب کود: 216663