یوه سرچینه طلوع نیوز ته وايي د طالبانو لخوا درې تنه نېول شوي افغان سرتېري د یادې ډلې لخوا په بې رحمۍ سره وژل شوي دي.

دغه سرچینه نن(پنجشنبې د زمري په ۲۳مه نېټه) څرګندوي چې دغه درې سرتېري د پوځ ۱۱۱ فرقې پورې تړاو درلود او د کابل خاک جبار ولسوالۍ کې له طالبانو سره تر نښتې وروسته د یادې ډلې لخوا اسیر شوي وو.
په همدې حال کې د یوه سرتېري د کورنۍ غړي وايي چې د سرتېري سر پرې شوی وو.
طالبانو په دې اړه څه نه دي ویلي.