د افغان حکومت د مذاکراتي ټيم مشر محمد معصوم ستانکزي تېر ماښام پر خپل ټوېټر ليکلي، د مذاکراتي ټيم غړې فوزيه کوفي تېر ماښام له پروان ولايت کابل ته پر لاره وه چې د کابل ولايت د قرهباغ ولسوالۍ اړوند سيمه کې پرې بريد وشو او نوموړې پکې سرسري ټپي شوه.
دخپریدو نیټه :شنبه ۲۵ اسد ۱۳۹۹ ساعت ۰۹:۲۴
د مطلب کود : 216728
ستانکزي ټينګار کړی دی چې د فوزيې کوفي روغتیايي وضعيت بيخي ښه دی او نوموړې يوازې سرسري ټپي شوې ده.
فوزيه کوفي له طالبانو سره د افغان حکومت د مذاکراتي پلاوي غړې ده چې ښايي د راتلونکې دوشنبې په ورځ دغه پلاوی دوحې ته سفر وکړي او هلته د طالبانو له مذاکراتي پلاوي سره خبرې پيل کړي.
دا لومړی ځل دی چې د افغان حکومت د مذاکراتي پلاوي پر يوه غړي وسلهوال بريد کېږي.
سرچينه : د صدای افغان خبری آژانس(آوا)
avapress.com/vdcb50b5wrhb8zp.q3ur.html
ټګونه
ډیری لیدل شوي
۴
