حنیف اتمر او د فرانسې سفیر پر افغان سوله خبرې وکړې

له دغه وزارت څخه په خپره شوې اعلامیه کې لیکل شوي، دواړو لورو په دې کتنه کې د سولې بهیر پر وروستیو پرمختګونو، د بین الافغاني خبرو د ژر پیلېدو پر اړتیا وو، د تاوتریخوالي پر کمولو، اوربند او د تېرو ۱۹ کلنو لاسته راوړنو پر خوندیتوب بحثونه وکړل. د سرچینې په وینا، د فرانسې سفیر په دې لیدنه کې د افغان سولې په بهیر کې پر وروستیو پرمختګونو خوښي څرګنده کړه او په دې برخه کې یې افغان لوري ته د هر ډول همکاریو ډاډ ورکړ. دواړه مشران پر داسې مهال پر افغان سوله خبرې کوي چې ټاکل شوې ډېر ژر د افغان حکومت او طالبانو تر منځ د سولې په هدف مخامخ خبرې پیل شي.