اتمر: د سولې مذاکرو ماته به سیمې او ټولې نړۍ ته خطر وي

اتمر پرون (د سپټمبر په ۱۱مه) د دوحې په لاره کې په الوتکه کې خبریالانو ته دا خبره وکړه.
هغه وویل: "زموږ هیله دا ده چې ډېر ژر به یوې پایلې ته ورسېږو. په دې مذاکرو کې ماته به یوازې د افغانستان لپاره نه، بلکې د سیمې او نړۍ لپاره خطرناکه وي."
حنیف اتمر وویل چې په دوحه کې د طالبانو له سیاسي پلاوي سره به تر هر بل شي مخکې پر اوربند خبرې وکړي.
د افغانستان دولت د مذاکرې پلاوی پرون ماښام له کابله دوحې ته ورسېد. د پلاوي مشر د روغې جوړې عالي شورا مشر عبدالله عبدالله دی.