خوښ ديک ۰

پولیسو کابل کې د مقناطيسي ماينونو يوه زېرمه موندلې

د کورنیو چارو وزارت وایي، د کابل پوليسو د مقناطيسي ماينونو او قلم ډوله وسلو داسې يوه زېرمه موندلې چې له هغې په کابل ښار کې په هدفي وژنو کې ګټه اخیستل کېده.
پولیسو کابل کې د مقناطيسي ماينونو يوه زېرمه موندلې
د دغه وزارت له لوري په خپره شوې خبرپاڼه کې راغلي:
د کورنیو چارو وزارت د جنايي جرمونو پر وړاندې د مبارزې منسوبینو تېره ورځ په کابل کې پر یوه استوګنیز کور ځينې هدفمند عملیات ترسره کړي، چې په ترڅ کې یې د هدفي وژنو د سازماندهي يو پټنځای کشف او ترلاسه کړی دی.
په خبرپاڼه کې راغلي، له یاد پټنځای څخه ۴۸ میله قلمي ډوله وسلې، ۱۴ کړۍ مقناطیسي ماینونه او ۸۵۰ مېتره ثانیه سوځوونکې فلیتې ترلاسه شوې دي.
د خبرپاڼې له مخې وسله‌والو غوښتل، له دې جنګي وسایلو څخه په کابل ښار کې په يو لړ پېچلو هدفي وژنو کې استفاده وکړي.
د کورنیو چارو وزارت وايي، د دې پټنځای په کشف سره په کابل کې له ګڼو هدفي وژنو مخنیوی شوی دی.
دا په داسې حال کې ده چې په وروستيو کې په کابل کې هدفي وژنو زور اخیستی.
سرچينه : د صدای افغان خبری آژانس(آوا)
یکشنبه ۳۰ سنبله ۱۳۹۹ ساعت ۱۰:۱۰
د مطلب کود: 219201 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *