خوښ ديک ۰

ارین: طالبانو تېرو دوو اوونیو کې ۹۸ ملکیان وژلي

د کورنیو چارو وزارت ویاند طارق ارین وایي، وسله‌والو طالبانو په تېرو دوو اوونیو کې د هیواد په بېلابېلو ولایتونو کې ۹۸ تنه ملکي کسان وژلي او ۳۳۰ نور یې ټپیان کړي دي.
ارین: طالبانو تېرو دوو اوونیو کې ۹۸ ملکیان وژلي
د کورنیو چارو وزارت ویاند طارق ارین په خپله ټویټر پاڼه لیکي، وسله‌والو طالبانو په تېرو دوو اوونیو کې د هیواد په بېلا بېلو ولایتونو کې ډله‌ییز بریدونه کړي دي چې په پایله کې یې ۹۸ تنه ملکي وګړي وژلي او ۳۳۰ نور یې ټپیان کړي دي.
نوموړي دغه راز ویلي، طالبانو ډېری بریدونه په ننګرهار او تخار ولایتونو کې ترسره کړي دي.
دا په داسې حال کې ده چې د افغان حکومت او طالبانو ترمنځ د بین الافغاني مذاکراتو له پیل سره هم‌مهاله د هیواد په بېلابېلو ولایتونو کې جګړې زور اخیستی او ګڼ شمېر هیوادوال په کې زیانمن کېږي.
سرچينه : د صدای افغان خبری آژانس(آوا)
دوشنبه ۳۱ سنبله ۱۳۹۹ ساعت ۱۶:۳۲
د مطلب کود: 219323 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *