بدخشان کې د طالبانو کمین کې د دوو ماشومانو په ګډون د یوې کورنۍ ۵غړي وژل شوي دي.

د والي ویاند، ثناالله روحاني وايي پېښه نن سهار (پنجشنبې د تلې په ۳مه نېټه) د بدخشان درایم ولسوالۍ کې شوې او په ترڅ کې یې د یادې کورنۍ یو غړی ټپي شوی دی.
ښاغلی روحاني زیاتوي، پېښه په داسې حال کې شوې چې د قربانۍ کورنۍ غړو خپل ماشومان پتاوک کلي کې یوې مدرسې ته لېږدول.
د بدخشان پولیس وايي چې  دپېښې په تړاو یې څېړنې پیل کړې دي.
طالبانو په دې تړاو څه نه دي ویلي.